مصطفى الحريرى الاول من يسار الصورة
صورة من مجلة نادى الزمالك
أغنية الفنانة نجاح سلام من كلمات الشاعر مصطفى الحريرى
صورة من جريدة الجمهورية
أغنية الفنانة مهدية الجزائرية من كلمات الشاعر مصطفى الحريرى و اللقاء بالموسيقار حلمى بكر
الخبر فى مجلة الكواكب
لقاء الشاعر بالفنانة نجاح سلام و أغرب حكاية حب
الخبر من مجلة السينما والناس
بصمة الحريرى مع أحد الأصوات الشابة الموهوبة فى عالم الغناء
الخبر من جريدة المساء
الحريرى وأحد الاصوات الشابة الفنان مجدى صالح
الخبر من جريدة المساء
هى دعوة كريمة كانت قد وجهت للشاعر مصطفى الحريرى من جمعية أصدقاء ومحبى موسيقى سيد درويش و اسموها فى الجمعية ليلة مع الشاعر مصطفى الحريرى وقد نقلت وقته على التلفيزيون المصرى
الخبر من جريدة الأخبار
هى صورة التقطت للشاعر اثناء حضوره أحدى الندوات بمقر جريدة المساء
الخبر من جريدة المساء
هو الغايب الحاضر وفنه مواكب الحاضر
لحن اتغنى عشان يعيش بحر نغم ما بينتهيش
سيد درويش ميلاده كان للموسيقى ميلاد
وفن الطرب بيه استبشر الامجاد
واسكندرية لعلعت وايامها بقت أعياد
ومصر غنت وقالت اتعلموا يا ولاد
هو الغايب الحاضر و فنه مواكب الحاضر
لحن اتغنى علشان يعيش بحر نغم ما بينتهيش
سيد درويش فنان صحيح فنان و ما يختلفش اتنين
استاذ ومن مدرسته اتخرجوا ملايين
غنى لكل الشعب عمال وفلاحين
طلعت يا محلى نورها
هو الغايب الحاضر وفنه مواكب الحاضر
لحن اتغنى علشان يعيش بحر نغم ما بينتهيش
سيد درويش اسمع جمال الحانه الله على ده خيال
السهل الممتنع اسلوبه عنه اتقال
لحن كلام مش ممكن تلحينه صعب محال
صدق ال قال كان ناقص يلحن الجرنال
هو الغايب الحاضر وفنه مواكب الحاضر
لحن اتغنى علشان يعيش بحر نغم ما بينتهيش
سيد درويش فرق الغنى ايامه عن قبله فرق كبير
مدرسته كان اصلها الصدق فى التعبير
الكلمة متلحنة متصورة تصوير
توصل لقلبك قبل ودنك من شدة التأثير
هو الغايب الحاضر وفنه مواكب الحاضر
لحن اتغنى علشان يعيش بحر نغم ما بينتهيش
سيد درويش شوفوا عاش يا دوب كام سنة
وشوفوا سابلنا ايه
سؤال انا باساله جاوبونى رودوا عليا
لو عاش بقى ميت سنة قالوللى كان عمل ايه
أظن صعب الاجابة حتردوا وتقولوا أيه ؟
هو الغايب الحاضر وفنه مواكب الحاضر
لحن اتغنى علشان يعيش بحر نغم ما بينتهيش
سيد درويش انا مش حا كمل قصيدتى وحاقولكوا الاسباب
قلمى ف ايدى عاتبنى وقلمى مش كداب
وقاللى بس ازاى نعلى فوق السحاب
هرم الموسيقى الفذ ده عايز له ألف كتاب
هو الغايب الحاضر وفنه مواكب الحاضر
لحن اتغنى علشان يعيش بحر نغم ما بينتهيش
سيد درويش
قصيدة باتمنى للشاعر مصطفى الحريرى
صورة من جريدة المرافق العامة
سبحانك اللهم انت رب الكون
لك فى الأمور أحكام ولك فى عبادك شئون
انظر للكون وخلقك يزيد ايمانى بيك
ابكى واسبح بحمدك ياللى تكالى عليك
بالاقى ناس مبصرة شايفين ومش شايفين
تاهوا ف سكة غلط وبالشيطان ماشين
وبترزقهم بفضلك مع أنهم عاصيين
مانت العفو الغفور و اكرم الاكرمين
انظر للكون وخلقك يزيد ايمانى بيك
ابكى و اسبح بحمدك ياللى تكالى عليك
وشفت راجل كفيف رافع ايديه للسما
حرمته بصره ولكن ما بيشتكيش مظلمه
شايف نورك بقلبه بيقول يا حامى الحمى
طالب رضاك يا رب و العفو و المرحمة
انظر للكون وخلقك يزيد ايمانى بيك
ابكى واسبح بحمدك ياللى تكالى عليك
وعبد لسانه عاجز ما بينطقش لكن
اسمك يا رب دايما على شفايفه ساكن
وبقسمته راضى و بقدرتك امن
من غير كلام بيسبح للواحد الدائن
انظر للكون وخلقك يزيد ايمانى بيك
ابكى و اسبح بحمدك ياللى تكالى عليك
وعبد من غير قدم بيسعى للمسجد
على عكاز هدى بيمشى و بيسند
يسمع أدانك يلبى ولنور بهاك يسجد
ويقول يا هادى الهدى خلى الشيطان يبعد
انظر للكون وخلقك يزيد ايمانى بيك
ابكى و اسبح بحمدك ياللى تكالى عليك
الأمسية الشعرية لجمعية قيثارة الكلمة الطيبة
مع المستشار طه الشريف من جمعية حكماء مصر
